La famiglia Babulin – Cudaschin per passatemp
Güsta dret per sur Festas cumparan nouvas aventüras cun Luisa, Nic, Brutus, Lupo ed insomma l’intera famiglia Babulin. Davo duos toms cun aventüras per preleger e tadlar, haja dat ün quartet. Quel s’affess dal rest eir per giovar cun tuot la famiglia e dafatta per imprender rumantsch. Lura ha la Lia Rumantscha edi ün gö auditiv cun ses istorgias ed uossa daja quist nouv Cudaschin per passatemp cun la famiglia Babulin. Quel vain sco postà per far frunt a la lungurella cha, sainza fal ed excepziun, tuots noss uffants resaintan apaina cha la las vacanzas da Nadal cumainzan, spettond cun brama cha la scoula cumainza darcheu, davo Matinadas, Babania eop. Schi, ün païn ironia.
E scha las duos eivnas sur Festas nu bastan tuottüna brich per l’inter cudaschin nouv, schi nun es quai gnanca zich mal. Quist nouv cudesch maina sün 84 paginas tras tuot las quatter stagiuns e quai cun istorgias, ingiavineras, gös e recepts. A plüssas illustraziuns manca la culur e hai, quai es fat bel ed aposta per cha mattinas e mattets tanter ses e novantanouv ons possan drivir la trocla da culurs e… schi be dai, il cudesch as poja retrar sur nossa butia online sün liarumantscha.ch, diversas butias illa regiun o illa libraria!
Ma che di esa per exaimpel…
… stat als 20 da november? Quai es stat il Di internaziunal dals drets da l’uffant! Ed ils 21 da settember esa stat? Quai es stat il Di da la pasch. Interessant po parair, cha quel nun es intuorn Nadal? Ma quai sun oramai dis mundials e na religius.
Perche ch’eu sa cur chi sun quels dis specials? Fich simpel: la famiglia Babulin ha daspö quist on da scoula ün chalender. E quel chalender ha per intant tschinch dis specials. Duos dis seguan e daplüs sun planisats. Sülla pagina-web kidsfits.ch suot kidsfits / vallader / material as chatta quel chalender. I’ls dossiers da quels dis specials chattan ils uffants ideas per giovar, zambriar ed oter plü. Per dovrar sur Festas in famiglia e davopro a gruppa, a scoulina o a scoula. O forsa cha genituors chattan pro’ls dis fingià passats üna o tschella idea per üna festina dad anniversari – per rumantsch! Perche na?
E che Di esa als 4 da schner? Buna dumonda – la resposta as chatta apunta sün quella pagina-web.
Glossari
|
cudaschet |
Büchlein |
|
passatemp |
Freizeitbeschäftigung |
|
cumparan |
erscheinen / werden herausgegeben |
|
nouvas aventüras |
neue Abenteuer |
|
e dafatta |
und sogar |
|
lungurella |
Langeweile |
|
spettond cun brama |
sehnsüchtig wartend |
|
Matinadas |
Fest nach Neujahr in Valsot |
|
Babania |
Dreikönigstag |
|
gnanca zich |
kein bisschen |
|
ingiavinera |
Rätsel |
|
fat bel ed aposta |
extra dafür gemacht |
|
per intant |
derweil noch |
|
promotur regiunal |
Sprachförderer |
Neues von der Familie Babulin!
Soeben ist ein neues Buch der Familie Babulin erschienen – ein Rätselbuch mit Geschichten zum Lesen, Rätsel zum Lösen und vielen weiteren Möglichkeiten, Spass zu haben auf Romanisch.
Seit Beginn dieses Schuljahres gibt es auch einen Kalender der Familie Babulin. Zu mittlerweile fünf internationalen Tagen gibt es Anregungen zum Basteln, Spielen und vieles mehr. Für die Spielgruppe, den Kindergarten oder einfach mit der Familie. Nur zu!
