Ils cuors sun bain chargiats cun chant la bunura, lecziuns da lingua fin sur mezdi e program accumpagnant davomezdi e d’saira.
Ils cuors sun bain chargiats cun chant la bunura, lecziuns da lingua fin sur mezdi e program accumpagnant davomezdi e d’saira. © Lia Rumantscha

Dal Stay at home al Homestay per imprender rumantsch!

Linard Martinelli «Restai a chà!» ans vaivna dit avant bod trais ons. «Star pro üna famiglia a chà», es üna buna pussibiltà per imprender bain la lingua da qua! O meglder dit – füss – perche chi nun es simpel da tillas chattar.

Imprender rumantsch i’ls cuors da stà...

… e star pro üna famiglia per güsta imprender amo plü intensiv. Sco chi fan bod tuot quellas e quels chi vöglian o ston imprender ün pa meglder üna lingua estra. Schi van perquai in Gronda Bretagna o forsa i’ls Stadis Units da l’America ad imprender inglais o inclur per imprender frances. In tschertas regiuns guadognan quellas landladies o quels messieurs alch sperapro cun dar suottet a studentas e students da lingua. In spordschond apunta quists homestays. Schi, cuors intensivs dad inglais daja plü o main tuot on e na be dürant üna, duos o trais eivnas singulas.

E listess crescha la dumonda eir pro partecipantas e partecipants dals cuors intensivs da stà, cha la Lia Rumantscha organisescha eir quist on per l’Uniun dals Grischs l’ultima’eivna da lügl a Scuol. E sco minch’on eschna darcheu in tschercha dad adressas da persunas indigenas chi füssan prontas da dar albierg a persunas chi vöglian abitar dürant noss cuors da stà pro Rumantschas e Rumantschs. Ils cuors sun bain chargiats cun chant la bunura, lecziuns da lingua fin sur mezdi e program accumpagnant davomezdi e d’saira.

Tuottüna crescha pro las partecipantas ed ils partecipants il giavüsch da pudair viver cun o sper inchün da qua ün minchadi rumantsch, almain per ün’eivna, ad ün crescher. Per pudair cuntantar quella dumonda, dovraina però il sustegn da persunas chi han forsa üna stanza superplü e gust da s’intrategner cun glieud chi ha plaschair dad imprender nossa lingua!

Cha quel giavüsch es quia vezzaina eir vi dal success dad a Sent be rumantsch. Chi nun es be simpel da realisar, muossan eir ils müdamaints chi sun gnüts fats. Impè cha las partecipantas ed ils partecipants stan pro famiglias, s’haja pudü crear üna sort campus in üna chasa cun abitaziuns da vacanzas. Ils cuors intensivs cha la Lia Rumantscha organisescha per l’Uniun dals Grischs, vegnan realisats immez la stagiun ota, quai nu facilitescha natüralmaing ün’organisaziun analoga.

Daplü infuormaziuns davart ils cuors intensivs ed eir ulteriuras sportas da scolaziun as chatta sün www.curs.ch

«Bleiben Sie zu Hause!»

Es ist fast drei Jahre her, dass diese Maxime des Bundesrates sogar vertont wurde. Nun, ein grosser Hit ist es nicht geworden. Dass die Gäste – vor allem in der letzten Juliwoche – zu Hause bleiben, ist aber so gar nicht in unserem Interesse. Ganz im Gegenteil!

Eher interessant ist ein Homestay, also der Aufenthalt bei einer Gastfamilie, falls Sie in den Sommerferien in Scuol Romanisch lernen möchten. Die Kurse werden in der letzten Juliwoche durchgeführt, mehr Informationen finden Sie auf www.curs.ch.

Das könnte Sie auch interessieren