Il post d’administraziun, chi’s rechatta daspö raduond 30 ons sülla via maistra a Scuol, es uossa üna banca moderna, chi metta il focus sülla cussagliaziun persunala. Las localitats sun gnüdas drizzadas aint da maniera moderna, cun material indigen. I sun cleras e prüvadas. Ils cliaints e las cliaintas vegnan retschevüts e retschevüdas da nouv in üna pitschna zona d’inscunter illa halla da fanestrigl – ün lö ideal per far discuors persunals o per baiver ün cafè.
Il motiv pella renovaziun es il bsögn da la cliantella chi s’ha müdà: la cliantella regla ils affars da banca da maniera autonoma via online, independent dal lö e pro mincha urari. Il fanestrigl classic perda cun quai plan a plan sia importanza. I’l focus sta adüna daplü la cussagliaziun persunala. Per pudair accumplir las aspettativas ed ils bsögns da la cliantella da la banca, ha fat la Banca Raiffeisen Engiadina Val Müstair cul nouv concept ün pass i’l avegnir.
Saja quai per servezzans da basa, finanziaziuns d’immobiglias e d’affars, leasing da possess d’industria, planisaziuns da pensiuns, cussagliaziuns da provedimaint e d’investiziuns - la banca inscuntra la cliantella da maniera individuala e persunala e s-chaffischa illas nouvas localitats da cussagliaziun ün lö da fiduzcha, da sgürezza e, na l’ultim, da discreziun.
Las collavuraturas ed ils collavuraturs da la Raiffeisen spordschan eir dadour las uras d’avertüra üsitadas e da lavur termins da cussagliaziun. Quai dà la pussibiltà a la cliantella dad esser plü independenta e flexibla. Ultra da las cussagliaziuns stan a disposiziun tuot ils servezzans da la banca da fin uossa. Plünavant es amo adüna avant man ün fanestrigl per affars da munaida bluotta. Illa halla da fanestrigl sta da nouv a disposiziun ün automat da self-cash, pro’l qual i pon gnir fattas transacziuns da raps bluots da maniera autonoma. Las cusgliadras ed ils cusgliaders muossan jent co cha’l nouv indriz funcziuna.
Il team da la Raiffeisen s’allegra da Lur visita a Scuol!
Di e not a disposiziun pella cliantella
Il post d’administraziun a Scuol ha avert da lündeschdi fin venderdi da las uras 8.30 – 12.00 e da las uras 14.00 – 17.00. Plünavant as poja, di e not, retrar raps dals duos bancomats illa zona da 24 uras. Ün da quels sta eir a disposiziun per pajamaints. Ed ils affars da banca pon s’inclegia adüna eir gnir fats online sur il e-banking da la Raiffeisen.
La Banca Raiffeisen Engiadina Val Müstair es inragischada illa regiun
La Società Banca Raiffeisen Engiadina Val Müstair es gnüda fundada dal 1913 e s’ha sviluppada ad ün’importanta intrapraisa da servezzan da la regiun. In 5 lös da la banca lavuran 40 collavuraturas e collavuraturs, 2 da quels sun in giarsunadi. La banca preschainta üna summa da bilantsch da 1,025 milliards franc ed ha raduond 14’000 cliaints e cliaintas. Da quels sun 7’775 cunpossessuras e cunpossessurs da la banca sco associadas ed associats.