Ün’istorgia divertenta, adattada eir per preleger
Gianna e Chasper Chönz ston supportar bler cun genituors chi nu vöglian avair ingün chan, ma mangiar adüna ronas. Implü sana adüna tuot meglder. Quai voul dir ils genituors. Ils uffants eir. Il lain vain dal bös-ch. Respectivamaing la s-chalizza dal lain. Daspö ün mumaint abitan ils Chönzs in üna chasa veglia cun üna charpenna plain aventüras. E sü là fan ils uffants üna curiusa scuverta: in üna trocla da cudeschs sta ün homin cun üna boccuna. Ün dret sabgettin chi pretenda cha be tals sco el til vezzan! Chi sa, scha bap e mamma pon eir verer al sabgettin?
Cun l’istorgia d’uffants «Il sabgettin» edischa la Lia Rumantscha (LR) ün cudesch dal cuntschaint autur tudais-ch Marc-Uwe Kling chi procura cun sia comica da situaziun e seis numerus gös da pleds per bler divertimaint cun leger, tant per uffants sco eir per creschüts chi tscherchan üna buna lectüra per preleger. Quist homet türkis cun sias chotschas cotschnas, seis nas orandsch ed ils marcants ögliers raduonds, illustrà dad Astrid Henn cun bler umur, animescha da rier e da reflectar. Sumgliaints dialogs e commentaris divertents sco quels dals commembers da la famiglia Chönz daja probabelmaing in tuot las famiglias. Uschè fa l’homet, chi metta mincha pled sülla stadaira ed ha sün mincha dumonda adüna la dretta resposta, rier sco eir gnir narra l’intera brajada. La Lia Rumantscha edischa il cudesch da la chasa editura Carlsen in totalmaing ses variantas linguisticas (i’ls 5 idioms ed in rumantsch grischun).
Die Lia Rumantscha (LR) freut sich, ein neues rätoromanisches Buch vorzustellen: «Il sabgettin», Originaltitel «Das Klugscheisserchen», ist ein gelungener Mix aus Humor, Abenteuer und lehrreichen Momenten, das sowohl zum Vorlesen als auch zum Selbstlesen einlädt. Die gebundene Ausgabe ist in allen 5 Idiomen und in Rumantsch Grischun erschienen.
autur: Marc-Uwe Kling, illustraziuns in culur: Astrid Henn
versiun valladra tradütta dad Annetta Janka-Zini
Il sabgettin (vallader)
ISBN: 978-3-03900-230-6
L’ediziun liada «Il sabgettin» es cumparüda in tuot ils idioms ed in rumantsch grischun e cuosta illa vendita CHF 18.00. Ella po gnir retratta illa butia online da la Lia Rumantscha (liarumantscha.ch/rm/butia), via telefon 081 258 32 22 o illas librarias da la regiun.
p.s.: illa lingua da minchadi (colloquiala) vegn descritta «il sabget / la sabgetta» sco üna persuna chi exprima si’ opiniun da maniera instiganta-impetenta e fa uschea il parair, sco sch'ella posseda daplü savüda o fuormaziun in tscherts fats o ch'ella sapcha güdichar meglder sco oters …
